मुस्लिम आरक्षणाच गांभीर्य समाजातील प्रत्येक घटकापर्यत निर्माण झालं पाहिजे.

मराठी मुसलमान फेसबुक पेजवरील प्रतिक्रिया पाहण्यासाठी 
मे 2008 मध्ये तत्कालीन मुख्यमंत्री विलासराव देशमुख साहेबांनी महाराष्ट्रातील मुस्लिमांच्या सामाजिक-आर्थिक आणि शैक्षणिक मागासलेपणावर डॉ.महमूद उर रहेमान यांच्या अध्यक्षतेखाली सहा सदस्यीय अभ्यास गट गठित केला होता.
डॉ.महमूद उर रहेमान आणि बाकी सहा सदस्यांनी मिळून पुढील पाच वर्षे समाजाच्या शेवटच्या घटकापर्यंत जाऊन,त्यांच्या सामाजिक-आर्थिक आणि शैक्षणिक समस्यांवर अतिशय अभ्यासपूर्ण अहवाल तयार करून 21 ऑक्टोबर 2013 रोजी तत्कालीन मुख्यमंत्री पृथ्वीराज चव्हाण यांच्याकडे सादर केला.

त्या अहवालात मुस्लिम समाजातील मागासलेपणा दूर करून त्यांना मुख्य प्रवाहात आणण्यासाठी महत्वाच्या अश्या 40 शिफारशी सुचवल्या.त्यामध्ये सगळ्यात पहिली शिफारस आहे, महाराष्ट्रातील मुस्लिम समाजाला राज्याच्या शासकीय नोकऱ्यात व शैक्षणिक संस्थांमध्ये 8 टक्के आरक्षण देण्याची.

अभ्यास गटाचा अहवाल सादर केल्यानंतर डॉ.महमूद उर रहेमान ऐका ठिकाणी बोलताना म्हणाले होते...
"मी माझं काम केलं आहे.आता जर शासनाला खरोखरच मुस्लिमांचा विकास करण्याची ईच्छा असेल तर आम्ही सुचवल्या शिफारशी प्रमाणे निर्णय घ्यावे आणि मुस्लिम समाजाला आरक्षण देण्याबाबत ठोस पाऊल उचलावे.
माजी मुख्यमंत्री विलासराव देशमुख साहेबांनी मुस्लिम विकासासाठी 200 कोटी रुपयांचे पॅकेज देण्याबाबत विचारणा केली होती.त्यावेळी देखील आपण विलासरावांना सांगितलं की,निधी द्यायचा असेल तर द्या.मात्र त्यापेक्षा आरक्षण दिले तर मुस्लिमा मधील गरजवंतांना अधिक फायदा होईल."

मात्र समाजाचं दुर्दैव अस की आजपर्यंत मुस्लिमांना ते 8 टक्के आरक्षण मिळालंच नाही.यावरून राज्यकर्त्यांना मुस्लिम समाजाच्या विकासाची किती चिंता आहे ही गोष्ट स्पष्ट होते.

याला फक्त सरकार किंवा राज्यकर्ते दोषी आहे असं म्हणून चालणार नाही.ते दोषी आहेतचं त्याबद्दल दुमत असूच शकत नाही. मात्र फक्त ते एकटे दोषी नाहीत.त्या समाजाचा हिस्सा म्हणून आम्ही देखील तितकेच दोषी आहोत.
कारण समाजाचं इतकं भीषण वास्तव आपल्यासमोर अधिकृतरित्या येऊन देखील आपण त्याची जाणीव समाजामध्ये निर्माण करू शकलो नाहीत.आपण याचं गांभीर्य समाजातील घराघरात कधी निर्माण केलं नाही.
आपल्या मागासलेपणाची जाणीव आणि त्याच गांभीर्य समाजात निर्माण करायला आपण कमी पडलो आणि इथेच आपलं सर्वात मोठं नुकसान झालं.

याचा अर्थ असं नाही की, कोणी आवाजच उठवला नाही,कोणी प्रयत्नच केले नाहीत,कोणी लढायलाच उतरलं नाही...काही नावं आजही मोठ्या आदराने घ्यावे लागतील.ती यासाठी की त्यांनी त्यांच्या परीने शक्य होईल तितके प्रयत्न केले.अतिशय प्रतिकुल परिस्थितीत देखील त्यांनी लढा दिला.
मात्र त्यामध्ये देखील काही गोष्टी घडल्या..तो वेगळा चर्चेचा विषय आहे.

यावरून विशेष करून, आम्हा मुस्लिम तरुणांना आपल्यावरील जबाबदारीची आणि कर्तव्याची जाणीव करून,सर्वात प्रथम आपल्यामध्ये त्याच गांभीर्य निर्माण करावं लागेल.आणि मग समाजातील प्रत्येक घराघरात त्याच गांभीर्य निर्माण करावं लागेल...!

#मुस्लिमआरक्षण 
~इरफान शेख
(9518586155)

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

जाणून घ्या रेशन कार्डविषयी:- रेशन दुकानदाराची तक्रार कुठें कशी करावी?

इमेज
🔶 रेशनिंगचे नियम/माहिती/रेशनदुकानदारा विरुध्द तक्रार देण्यासाठी/आपले हक्क (®) 👉 रॉकेल/घासलेट पहिल्‍या पंधरवड्यात न घेतल्‍यास महिना अखेरपर्यंत घेता येते. हप्‍ता बुडत नाही. 👉 बीपीएल् व अंत्‍योदयचे धान्‍य गेल्‍या महिन्‍यात न घेतल्‍यास पुढच्‍या महिन्‍यातही घेता येते. 👉 बीपीएल् व अंत्‍योदयचे धान्‍य महिन्‍यात 4 हप्‍त्‍यातही घेता येते. 👉 रेशनवर घेतलेल्‍या वस्‍तूंची पावती मिळालीच पाहिजे. पावतीवर रेशन दुकानाचा क्रमांक असतो. 👉 एका दिवशी एकच पावती फाडता येते असा नियम नाही. 👉 ज्‍या व जेवढ्या वस्‍तू हव्‍या असतील तेवढ्याच वस्‍तू आपण घेऊ शकतो. इतर गोष्‍टी घेतल्‍याशिवाय रॉकेल मिळणार नाही असे दुकानदार म्‍हणू शकत नाही. 👉 रेशनकार्ड स्‍वतःकडे ठेवून घेण्‍याचा किंवा ते रद्द करण्‍याचा अधिकार दुकानदाराला नाही. 👉 रेशन दुकान रोज सकाळी 4 तास व सायंकाळी 4 तास उघडे असलेच पाहिजे. आठवडी बाजाराच्‍या दिवशी उघडे असले पाहिजे. आठवड्यातून एकदाच दुकान बंद ठेवता येते. रेशन दुकान जर आठवड्यातून एक दिवसाहून अधिक दिवस बंद रहात असेल तर त्या बंद दुकानाची छायाचित्रे / चलचित्रे तारीख वेळे सहित http://mahafood.g...
अधिक वाचा

बोधेगावच्या भुसारे परिवाराचा लग्नमंडपात पाठीमागे उभा राहणारा मामा बाबाभाई.......

इमेज
भारत हा विविध संस्कृतीने नटलेला देश आहे.  एखादा सलीम दाढी टोपी सहित ज्यावेळी एखाद्या मित्राच्या लग्नांत अक्षदा वाटताना किंवा पंगतीला आग्रहाने जेवण वाढताना दिसतो तर कधी एखादा राम अब्दुलच्या इथे त्याच्या वृद्ध आई  वडलांना मदत करताना दिसतो.  बोधेगाव जिल्हा अहमदनगर येथील भुसारे परिवारातील दोन मुलींच्या लग्नात मामाचे विधी बाबा भाई पठाण यांच्या हस्ते संपन्न झाले.आई दरवर्षी बाबा भाई ना राखी बांधते कारण तिला सख्खा भाऊ नाही.भावाची व मामाची भुमिका बाबा भाई पठाण यांनी बजावली. हेच बाबाभाई गावच्या विविध धार्मिक कार्यक्रमात आपला सहभाग नोंदवत असतात गेल्या वर्षी गावातील सप्ताहाला देणगी देतानाचा त्याचा फोटो सोशल मीडियावर वायरल झाला होता.  बाबाभाई पाच वेळेचे  नमाजी असून एक ईश्वरवादी एका अल्लाहला मानणारे आहेत. परिसरातील बहुसंख्य जण बाबाभाईच्या अस्थेचा आणि धार्मिक प्रथाचा आदर करतात तर इतरही धर्मातील आस्था याचा बाबाभाई आदर करतात.  बाबाभाई आणि बोधेगाव मधील हाच बंधुभाव भारतात पाहण्यासाठी मिळतो जो इतर कुठेही पाहायला मिळत नाही काही राजकीय आणि धार...
अधिक वाचा

बिहारचे एकमात्र मुस्लिम मुख्यमंत्री अब्दुल गफूर यांची आज जयंती...

इमेज
स्वातंत्र्यानंतर बिहारमध्ये बरेच मुख्यमंत्री झाले आहेत.  परंतु आपणास हे जाणून आश्चर्य वाटेल की स्वातंत्र्यानंतर बिहारमध्ये फक्त एकच मुस्लिम मुख्यमंत्री झाले .अब्दुल गफूर यांच्या नावाने आपण ज्यांना ओळखतो. तेव्हापासून कोणताही  मुस्लिम समुदायाचा नेता बिहारमध्ये  मुख्यमंत्रिपदी पोहोचला नाही, बिहारमधील मुस्लिम समुदायाकडे मोठा समुदाय आहे जो बिहारमधील सर्वात मोठा मतदार गट आहे.    तथापि, अब्दुल गफूर मुख्यमंत्री झाले असले तरी त्यांनाही केवळ 2 वर्षे मुख्यमंत्रीपदाची उमेदवारी देण्यात आली.  ते 2 जुलै 1973 ते 11 एप्रिल 1975 पर्यंत बिहारचे मुख्यमंत्री होते.  1975 मध्ये तत्कालीन पंतप्रधान इंदिरा गांधी यांनी एका षडयंत्रांतर्गत त्यांना मुख्यमंत्रीपदावरून काढून टाकले आणि जगन्नाथ मिश्रा यांना मुख्यमंत्री केले.     अब्दुल गफूर केदार पांडे आणि जगन्नाथ मिश्रा यांच्या संघर्षात दबले गेले परंतु त्यांनी हार मानला नाही.      1984 मध्ये ते सिवान येथून कॉंग्रेसच्या तिकिटावर निवडून खासदार झाले. 1984 च्या राजीव गांधी सरकारमध्ये ते नगरविकास मंत्री...
अधिक वाचा