स्वतःचा धर्म, संस्कृती,अस्मिता पायाखाली तुडवत जेत्यांच्या मर्जी प्रमाणे जगणारा मुस्लिमच यांना गुड मुस्लिम का वाटतो?

मार्च एप्रिल मधे कोरोनाच्या नावाखाली तब्लीग जमात सहीत मुस्लिम समाजाला सर्वच वादावादी अनैतिक बौद्धिकांनी झोडपून काढले होते. एका सुधारणावादी संपदकाने तर तब्लीग जमात बद्दल फेसबुकी लेख लिहून जमातला धर्मांध रूढीप्रय, कट्टरपंथी वगैरे म्हणून हिणवले होते. देशात कोरोनाच्या संवेदशील परिस्थितीत तब्लीग जमात कशी बेजबाबदार वागली वगैरे याचा पाढाही त्यांनी वाचला. त्यांनी लेखात संपुर्ण मुस्लिम समाजाला आपल्या सवयी प्रमाणे उपदेशाचे डोस दिले.
कोणत्याही बाबी एकमेकांशी जोडून त्याच्या हवा तो विकृत आकार घडवायचा आणि ती मुळ प्रतिमा असल्याचा आव आणून मिरवायचा छंद या लोकांना खूप पुर्वीपासून आहे. एखाद्या संघटनेने आपला धर्म जपण्याचा प्रयत्न केला की ती थेट धर्मांध कशी होते हेच मुळात या लोकांना ठाऊक नसावे. म्हणून त्यांनी हा भलामोठा लेख लिहीला असावा?
परंतु नंतर  Alt news, scroll.in व इतर शोध पत्रकारिता करणाऱ्यांनी Fact Check करून सत्य समोर आणले होते. 
लाॅकडाउन च्या काळात मजुरांना, गरीबांना मदत करणारे, रक्तदान करणारे, अन्नदान करणारे तब्लीगी व मुस्लिम यांना दिसले नाही (त्यांच्या अनैतिक मानसिकतेमुळे त्यांना सामाजिक क्षेत्रात काम करणारा मुस्लिम दिसत नाही) 
आपत्तीच्या काळात स्वतःला सामाजिक कामात झोकून देणाऱ्या तब्लीगी व मुस्लिमांच्या सामाजिक कार्याबद्दल लिहताना त्या संपादकच्या व वादावादी अनैतिक बौद्धिकांच्या कलममधली शाई संपली असावी.  
त्यांच्या लेखनीला शब्द ही फुटले नाही. यात मुस्लिम समाजातील एक खासदार येतात ज्यांनी देखील तब्लिगिनी माफी मागावी हे विधान केले होते. 
👉लिहण्याचा कारण हे आहे की
 काल तब्लीग जमातच्या विदेशी नागरिकांबद्दलच्या एका खटल्यासंबधी सुनावणी दरम्यान काल "मुंबई उच्च न्यायालयाच्या औरंगाबाद बॅंचने" निकाल देताना सांगितले की 
"असे दिसते आहे की "सरकारने राजकीय इच्छाशक्तीच्या अंतर्गत कार्य केले आहे.  कायदे आणि मूलभूत कायद्यांच्या तरतुदीनुसार त्यांना देण्यात आलेल्या अधिकारांचा वापर करण्याची पोलिसांची हिंमत नव्हती.
 जेव्हा एखादा साथीचा रोग किंवा आपत्ती उद्भवते तेव्हा सरकार बळीचा बकरा शोधण्याचा प्रयत्न करतो आणि परिस्थिती दर्शवते की या लोकांमुळे ही आपत्ती निर्माण झाली आहे व त्यांना बळीचा बकरा म्हणून निवडले गेले.
Ghana,Tanzania,Djibouti, Benin,Indonesia व इतर देशातून भारतात आलेल्या तब्लीगी विरुद्ध दाखल खटला रद्द करताना आपल्या ५८ पानांच्या निकालात उच्च न्यायालयाने सांगितले की
"या लोकांमुळे कोरोनाचा प्रसार झाला व हे लोक इस्लाम धर्मा पसरवत आहे हा आरोप स्वभावतः अस्पष्ट आहेत आणि या आरोपावरून अनुमान लावला जाऊ शकत नाही की ते इस्लाम धर्म पसरवत आहेत आणि धर्मांतर करण्याचा मानस आहे. सरकार वेगवेगळ्या देशातील वेगवेगळ्या धर्माच्या नागरिकांना वेगवेगळे उपचार देऊ शकत नाही. ”
"परदेशातून आलेल्या परदेशी तब्लीगी लोकांच्या विरोधात प्रिंट मीडिया आणि इलेक्ट्रॉनिक मीडियामध्ये मोठा अपप्रचार झाला."
उच्च न्यायालयाने सर्व आरोप फेटाळून खटला रद्द करण्याचे आदेश दिले....
शेवटी एवढाच सांगायचे "स्वतःचा धर्म, संस्कृती,अस्मिता पायाखाली तुडवत जेत्यांच्या मर्जी प्रमाणे जगणारा मुस्लिमच यांना गुड मुस्लिम वाटते" 
टिका करताना संपूर्ण मुस्लिमांना जबाबदार धरणारे श्रेय देताना मात्र अनुल्लेखाचा वापर करणाऱ्या अनैतिक बौद्धिकांमुळेच मुसलमान पुरोगामी विचारांकडे त्याच दृष्टीकोनातून बघतोय ज्या दृष्टीकोनातून उजव्या व संघीविचारांना बघतो. 
 एखाद्याच्या चुकीला गुन्हा समजून संपूर्ण मुस्लिम समाजाला झोडपून काढणाऱ्या धुरंधरांनी स्वतःचा दृष्टीकोन बदलण्याची गरज आहे. हे यांना कधी समजेल?
पुरोगामी विचारांच्या आड पुर्ण समाजाला गुन्हेगारांच्या लाईनीत उभा करणाऱ्यांना पुरोगामी समाजानेच अंकुश लावणे गरजेचे आहे. 

✍ सुफियान मनियार

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

जाणून घ्या रेशन कार्डविषयी:- रेशन दुकानदाराची तक्रार कुठें कशी करावी?

इमेज
🔶 रेशनिंगचे नियम/माहिती/रेशनदुकानदारा विरुध्द तक्रार देण्यासाठी/आपले हक्क (®) 👉 रॉकेल/घासलेट पहिल्‍या पंधरवड्यात न घेतल्‍यास महिना अखेरपर्यंत घेता येते. हप्‍ता बुडत नाही. 👉 बीपीएल् व अंत्‍योदयचे धान्‍य गेल्‍या महिन्‍यात न घेतल्‍यास पुढच्‍या महिन्‍यातही घेता येते. 👉 बीपीएल् व अंत्‍योदयचे धान्‍य महिन्‍यात 4 हप्‍त्‍यातही घेता येते. 👉 रेशनवर घेतलेल्‍या वस्‍तूंची पावती मिळालीच पाहिजे. पावतीवर रेशन दुकानाचा क्रमांक असतो. 👉 एका दिवशी एकच पावती फाडता येते असा नियम नाही. 👉 ज्‍या व जेवढ्या वस्‍तू हव्‍या असतील तेवढ्याच वस्‍तू आपण घेऊ शकतो. इतर गोष्‍टी घेतल्‍याशिवाय रॉकेल मिळणार नाही असे दुकानदार म्‍हणू शकत नाही. 👉 रेशनकार्ड स्‍वतःकडे ठेवून घेण्‍याचा किंवा ते रद्द करण्‍याचा अधिकार दुकानदाराला नाही. 👉 रेशन दुकान रोज सकाळी 4 तास व सायंकाळी 4 तास उघडे असलेच पाहिजे. आठवडी बाजाराच्‍या दिवशी उघडे असले पाहिजे. आठवड्यातून एकदाच दुकान बंद ठेवता येते. रेशन दुकान जर आठवड्यातून एक दिवसाहून अधिक दिवस बंद रहात असेल तर त्या बंद दुकानाची छायाचित्रे / चलचित्रे तारीख वेळे सहित http://mahafood.g...
अधिक वाचा

बोधेगावच्या भुसारे परिवाराचा लग्नमंडपात पाठीमागे उभा राहणारा मामा बाबाभाई.......

इमेज
भारत हा विविध संस्कृतीने नटलेला देश आहे.  एखादा सलीम दाढी टोपी सहित ज्यावेळी एखाद्या मित्राच्या लग्नांत अक्षदा वाटताना किंवा पंगतीला आग्रहाने जेवण वाढताना दिसतो तर कधी एखादा राम अब्दुलच्या इथे त्याच्या वृद्ध आई  वडलांना मदत करताना दिसतो.  बोधेगाव जिल्हा अहमदनगर येथील भुसारे परिवारातील दोन मुलींच्या लग्नात मामाचे विधी बाबा भाई पठाण यांच्या हस्ते संपन्न झाले.आई दरवर्षी बाबा भाई ना राखी बांधते कारण तिला सख्खा भाऊ नाही.भावाची व मामाची भुमिका बाबा भाई पठाण यांनी बजावली. हेच बाबाभाई गावच्या विविध धार्मिक कार्यक्रमात आपला सहभाग नोंदवत असतात गेल्या वर्षी गावातील सप्ताहाला देणगी देतानाचा त्याचा फोटो सोशल मीडियावर वायरल झाला होता.  बाबाभाई पाच वेळेचे  नमाजी असून एक ईश्वरवादी एका अल्लाहला मानणारे आहेत. परिसरातील बहुसंख्य जण बाबाभाईच्या अस्थेचा आणि धार्मिक प्रथाचा आदर करतात तर इतरही धर्मातील आस्था याचा बाबाभाई आदर करतात.  बाबाभाई आणि बोधेगाव मधील हाच बंधुभाव भारतात पाहण्यासाठी मिळतो जो इतर कुठेही पाहायला मिळत नाही काही राजकीय आणि धार...
अधिक वाचा

बिहारचे एकमात्र मुस्लिम मुख्यमंत्री अब्दुल गफूर यांची आज जयंती...

इमेज
स्वातंत्र्यानंतर बिहारमध्ये बरेच मुख्यमंत्री झाले आहेत.  परंतु आपणास हे जाणून आश्चर्य वाटेल की स्वातंत्र्यानंतर बिहारमध्ये फक्त एकच मुस्लिम मुख्यमंत्री झाले .अब्दुल गफूर यांच्या नावाने आपण ज्यांना ओळखतो. तेव्हापासून कोणताही  मुस्लिम समुदायाचा नेता बिहारमध्ये  मुख्यमंत्रिपदी पोहोचला नाही, बिहारमधील मुस्लिम समुदायाकडे मोठा समुदाय आहे जो बिहारमधील सर्वात मोठा मतदार गट आहे.    तथापि, अब्दुल गफूर मुख्यमंत्री झाले असले तरी त्यांनाही केवळ 2 वर्षे मुख्यमंत्रीपदाची उमेदवारी देण्यात आली.  ते 2 जुलै 1973 ते 11 एप्रिल 1975 पर्यंत बिहारचे मुख्यमंत्री होते.  1975 मध्ये तत्कालीन पंतप्रधान इंदिरा गांधी यांनी एका षडयंत्रांतर्गत त्यांना मुख्यमंत्रीपदावरून काढून टाकले आणि जगन्नाथ मिश्रा यांना मुख्यमंत्री केले.     अब्दुल गफूर केदार पांडे आणि जगन्नाथ मिश्रा यांच्या संघर्षात दबले गेले परंतु त्यांनी हार मानला नाही.      1984 मध्ये ते सिवान येथून कॉंग्रेसच्या तिकिटावर निवडून खासदार झाले. 1984 च्या राजीव गांधी सरकारमध्ये ते नगरविकास मंत्री...
अधिक वाचा